نسيــــ\\ــت كــل النــــــــــاس لعــ\يـــونــك

نسيت كل الناس لعيونكـ

سعيده فيك ياخلٍ شرب من دافي احساسي

............. سكن باقصى الخفوق اللي غدا نبضه وعنوانه

لك الله يابعد عمري ترى قدرك على راسي

............. لك الله كل ماتطري عليك النفس ولهانه

اسير ولهفتي يمك تزيد اصرار في باسي

............. معك ياصاحبي غنى خفوقٍ باجمل الحانه

طريقك بالهوى رجلي مشتبه والزمن قاسي

............. يوديني على حلمٍ نذرت العمر من شانه

نسيت الناس لعيونك احبك يابعد ناسي

............. احبك حب لو قلته يضيق الكون باشجانه

احبك فرحة ايامي احبك داعي اوناسي

............. نزف قلبي لك احساسٍ غلاك بداخلي صانه

لقيتك نصفي الضايع لقيتك مصدر انفاسي

............. لقيتك شمعةٍ معها ظلامي زانت الوانه

عطيتك قلبي العاشق سقيتك بالغلا كاسي

............. ولقيت بحبك الدافي زهر عمري وريحانه

نما في داخلي حبك غديت حدود هوجاسي

............. احبك وادري العالم على هالحب غيرانه

زرعت بداخلي ذكرى وانا قلبي مهو ناسي

............. يااجمل حب في عمري محال بيوم نسيانه

يااغلا من غلا روحي يافرحة عمري الماسي

............. يااغلى شخص بوجوده تعيش الروح فرحانه

لك الله يالحبيب اللي شرب من صافي احساسي

............. وانا عندك بعد عمري عليك النفس ولهانه

فنو

رائعه كـآعادتك

ابدعتي وبقوه

تقبلي مروري

ودي و ودادي